మధుమేహం(లక్షణాలు – కారణాలు- చేయవలసినివి – చేయకూడనివి)

మన శరీరంలోని క్లోమగ్రంధి (పాంక్రియాస్) క్లోమాన్ని (ఇన్సులిన్ ని) ఉత్పత్తి చేస్తుంది. మనం ఆహారం తిన్న తరువాత క్లోమగ్రంధి క్లోమాన్ని ఉత్పత్తి చేస్తే, ఆ క్లోమం రక్తంలో ఉన్న చక్కర / గ్లూకోస్ లను శక్తి క్రింద మార్చి శరీర కణజాలానికి అందజేస్తుంది. ఏదైనా కారణం చేత శరీరంలో తగినంత క్లోమం (ఇన్సులిన్) ఉత్పత్తి జరగక పోతే అప్పటి శరీరం లోని వైద్య పరిస్థితిని మధుమేహం (డయాబెటిస్ మెల్లిటస్ – DM) అని అంటారు. ఆయుర్వేద గ్రంధాలలో చెప్పినట్లుగా ఈ మధుమేహం అనేది 20 రకాల ప్రమేహాలలో (మూత్ర సంబంధిత రుగ్మతలలో) ఒకటి. ఈ మధుమేహాన్ని ఓజోమేహం మరియు క్షముద్రమేహం అని కూడా అంటారు.

ప్రపంచంలో సంభవించే మరణాలలో, మధుమేహం మరణానికి ఏడవ-ప్రధాన కారణం. అభివృద్ధి చెందిన మరియు అభివృద్ధి చెందుతున్న దేశాలలో ఈ మధుమేహం పెరుగుతోంది. మధుమేహాన్ని ఎక్కువకాలం అదుపులో వుంచుకోకపోతే మూత్రపిండాలు కళ్ళు, నరములు, గుండె మరియు రక్త నాళములు పాడైపోయే అవకాశం ఎక్కువ. నిజానికి అదుపులో లేని మధుమేహం శరీరంలోని ప్రతి అవయువం మీద దుష్ప్రభావం చూపిస్తుంది.
ఇప్పుడు మధుమేహంలోని రకములు, రావడానికి గల కారణాలు, నియంత్రణలో లేకపోతే వచ్చే పర్యవసానాలు, చేయవలసిన మరియు చేయకూడని పనులు ఇక్కడ చూద్దాము.

మధుమేహం – రకములు

మధుమేహం ఈ క్రింద చెప్పిన రకాలుగా వుండవచ్చు.

మొదటి రకం మధుమేహం (టైపు–1 DM)

ఈరకమైన మధుమేహం క్లోమగ్రంధి లోని బీటా కణములు విధ్వ౦సం అవ్వడం మూలంగా వస్తుంది. (ఈ మొదటి రకం మధుమేహం గురుంచి ఇందులో మనం చర్చించడంలేదు.)

రెండవ రకం మధుమేహం (టైపు-2 టీమ్)

శరీరంలో తయారు అయిన ఇన్సులిన్ని శరీరంలోని కణజాలం సరిగా సంగ్రహించలేనపుడు (ఇటువంటి లక్షణం ముఖ్యంగా వయసుతో పాటు పెరుగుతుంది)లేదా శరీరంలో తగినంత ఇన్సులిన్ ఉత్పత్తి తగ్గినప్పుడు ఈరకం మధుమేహం వస్తుంది.

కొన్ని ప్రత్యేక రకములు

(వీటి గురించి కూడా మనం ఇందులో చర్చించం)

జన్యుపరంగా వచ్చే ఇబ్బందుల వల్ల కలిగే మధుమేహం
క్లోమగ్రంధికి (పాంక్రియాస్ కి) వచ్చే జబ్బుల వలన కలిగే మధుమేహం
కొన్ని రకాల మందులు మరియు రసాయనాల వలన కలిగే మధుమేహం
పుట్టుకతో వైరస్ సంక్రమించడం మూలముగా వచ్చే జబ్బుల వలన కలిగే మధుమేహం
మొదలైనవి