ఆయుర్వేదం లో కరోనా కి మందు ఇంకా కనిపెట్ట లేదు

ఇది నిజం , ఆయుర్వేదమే కాదు అల్లోపతి, హోమియోపతి మారే దాంట్లోనూ కరోనా కి మందు లేదు.

కానీ ఆయుష్ డిపార్ట్మెంట్ వాళ్ళు చెప్పారు కదా అంటారా? అది , కేవలం మీ ఇమ్మ్యూనిటి పెంచుకోవడానికి మాత్రమే. కొరోనా తగ్గించటానికి కాదు. ఆయుర్వేద శాస్త్రం ప్రకారం “రసాయన” ఔషదాలు అనే ఒక తరహా ఔషదాలు ఉంటాయి. ఆయుష్ వారు చెప్పినవి ఇలాంటివే.

వారు చెప్పిన ఔషదాలు ఇవి.

1. చ్యవనప్రాశ
2. అగస్త్య హారతికి రసాయనం.
3. మరియు తులసి, మిర్యాలు, శొంఠి, దాల్చిని , ఎండు ద్రాక్ష తో చేసిన కాషాయం. దీంట్లో కావాలంటే కొంచం బెల్లం కానీ నిమ్మకాయ రసం గాని కలపవచ్చు.

అయితే , ఇవి హెర్బల్ మెడిసిన్ కావటం వల్ల. ఇవ్వాళా వాడితే రేపటికి ఇమ్మ్యూనిటీ (రోగ నిరోధక శక్తి) పెరగదు. ఇమ్మ్యూనిటి అనేది మన ఆహార వ్యవహారాల ద్వారా కాల క్రమేణా పెరగాల్సిందే . అంటే, ఆయుర్వేదం సూచించినట్టు పౌష్టిక ఆహరం తీసుకొంటూ, తగినట్టు వ్యాయాయం చేయడం ద్వారా పెరుగు తుంది అన్నమాట.

ఈ పోస్ట్ ఎందుకు రాయవలిసి వచ్చిందంటే , టిక్ టాక్ లో ఎదో చూసి, ఉమ్మెత్త కాయల్లోని గింజల రసం తాగితే కరోనా వైరస్‌ సోకదని వస్తున్న విషయాన్ని ఎవరో చెప్పారని ఆ రసాన్ని తాగి ఎనిమిది మంది అస్వస్థతకు గురైయ్యారు . ఈనాడు వార్త చూడండి

Update :

22 April 2020 నాటికి బెనారస్ హిందూ యూనివర్సిటీ ప్రొఫెస్సొర్స్ AIMIL అనే ఆయుర్వేదిక్ ఫార్మసిటీకాల్ కకంపెనీ తాయారు చేసే “FIFA TROL” ను ఉపయోగించి “క్లినికల్ ట్రయల్స్ ” చేయాలనీ ప్రతిపాదించారు. FIFA TROL , సాధారణంగా ఫ్లూ , శ్వాస కోశ సంభందించిన వ్యాధులకు వాడతారు. ఇప్పటి వరకు అది కరోనా వ్యాధిని తగ్గించగలదని రుజువు లేదు.

కాబట్టి, ప్రస్తుతానికి, చేతులు కడుక్కోవడం , భౌతిక దూరం పాటించడం, ప్రభత్వం చెప్పినట్టు అవసరం అయితే తప్ప బయటికి రాకుండా ఇంట్లో ఉండడం. ఇదే మనం చేయగలిగినది.